LPG Price Hike : માર્ચના પ્રથમ દિવસે જ ઝટકો! હોળી અને રમઝાન મહિનામાં LPG સિલિન્ડર મોંઘો થયો, જાણો નવા દર

LPG Price Hike : LPG સિલિન્ડરની કિંમત શનિવાર, 1 માર્ચે 2025ના રોજ વધી છે. 19 કિલોના કોમર્શિયલ એલપીજી સિલિન્ડર મોંઘા કરવામાં આવ્યા છે. ચાલો જાણીએ નવીનતમ દરો.

દર મહિનાની શરૂઆત પહેલા સરકારી તેલ કંપનીઓ દ્વારા સિલિન્ડરના દરોમાં ફેરફાર કરવામાં આવે છે. માર્ચના પ્રથમ દિવસે પણ સિલિન્ડરના ભાવમાં સુધારો કરીને ભાવમાં વધારો કરવામાં આવ્યો હતો. વાસ્તવમાં તેલ કંપનીઓ દ્વારા લિક્વિફાઇડ પેટ્રોલિયમ ગેસ એટલે કે LPG ગેસ સિલિન્ડરની કિંમતમાં વધારો કરવામાં આવ્યો છે.

કેટલો ભાવ વધ્યો? – LPG Price Hike

સરકારી તેલ કંપનીઓ દર મહિનાની પહેલી તારીખે LPG ગેસ સિલિન્ડરની કિંમતની સમીક્ષા કરે છે. આજથી નવો મહિનો શરૂ થયો છે જે તહેવારનો મહિનો છે. આ મહિનામાં હોળીનો તહેવાર છે, તો બીજી બાજુ ઈદનો તહેવાર પણ આ મહિનામાં છે. આ સાથે-સાથે, રમઝાન પણ 2 માર્ચ 2025 એટલે કે આવતીકાલથી (રવિવાર) શરૂ થવા જઈ રહ્યો છે. આ મહિનામાં લગ્ન ગાળો પણ છે. અને આ મહિનાની પહેલી તારીખથી, સરકારી ઓઇલ માર્કેટિંગ કંપનીઓએ કોમર્શિયલ LPG ગેસ સિલિન્ડરના ભાવમાં વધારો કર્યો છે. 19 કિલોગ્રામના કોમર્શિયલ LPG સિલિન્ડરના ભાવમાં 6 રૂપિયાનો વધારો કરવામાં આવ્યો છે. હવે દિલ્હીમાં નવી કિંમત 1803 રૂપિયા પ્રતિ સિલિન્ડર થઈ ગઈ છે જે પહેલા 1797 રૂપિયા હતી.

આ પણ વાચો : 19મો હપ્તો મળ્યો નથી?, જાણો શું હોઈ શકે છે કારણ?, ક્યાં ફરિયાદ કરવી?

બજેટ રજૂ થયા બાદ એલપીજી મોંઘો થયો! – LPG Price Hike

બજેટના દિવસે LPG ગેસ સિલિન્ડરના ભાવમાં થોડી રાહત મળી હતી. LPG ગેસ સિલિન્ડરના ભાવમાં 7 રૂપિયાનો ઘટાડો કરવામાં આવ્યો હતો. જો કે હવે 19 કિલોના કોમર્શિયલ LPG ગેસ સિલિન્ડર મોંઘા કરવામાં આવ્યા છે.

આજથી તમારા શહેરમાં આ ભાવ – LPG Price Hike

દિલ્હીમાં 19 કિલોગ્રામના સિલિન્ડરના ભાવ 1797 રૂપિયાથી વધારીને 1803 રૂપિયા કરવામાં આવી છે. કોલકાતામાં, નવા ભાવ 1907 રૂપિયાથી વધીને 1913 રૂપિયા થઈ ગઈ છે. મુંબઈમાં કોમર્શિયલ LPG સિલિન્ડરનો નવો ભાવ 1749.50 રૂપિયાથી વધીને 1755.50 રૂપિયા થયો છે. ચેન્નાઈમાં, કોમર્શિયલ LPG સિલિન્ડર ગેસ હવે 1959 રૂપિયાથી વધીને 1965 રૂપિયામાં મળશે.

આ પણ વાચો : માત્ર પાન કાર્ડની મદદથી મેળવો રૂ.૫૦૦૦ સુધીની લોન, જાણો સંપૂર્ણ પ્રોસેસ

ઘરેલું ગેસ સિલિન્ડરના દરો – LPG Price Hike

તેલ કંપનીઓ દ્વારા ઘરેલુ ગેસ સિલિન્ડર એટલે કે 14 કિલોના LPG ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. 1 ઓગસ્ટ, 2024 થી દરો એ જ રહેશે. દિલ્હીમાં ઘરેલુ ગેસ સિલિન્ડરની કિંમત 803 રૂપિયા, મુંબઈમાં ગેસ સિલિન્ડરની કિંમત 802.50 રૂપિયા અને કોલકાતામાં ગેસ સિલિન્ડરની કિંમત 829 રૂપિયા છે.

ઘરેલુ સિલિન્ડરની કિંમતમાં કોઈ ફેરફાર નહીં

આજથી કોમર્શિયલ LPG ગેસ સિલિન્ડરની કિંમતમાં વધારો કરવામાં આવ્યો હોવા છતાં, ઘરેલુ LPG ગેસ સિલિન્ડરના ભાવમાં કોઈ ફેરફાર થયો નથી. પરંતુ કોમર્શિયલ LPG ગેસ સિલિન્ડરના ભાવમાં વધારો રેસ્ટોરંટ માં જમવા પર મોટી અસર કરી શકે છે. રેસ્ટોરંટ તેમના ભોજનના દર વધારી શકે છે.

5 વર્ષમાં સૌથી ઓછો વધારો!

એવું જોવામાં આવ્યું છે કે ફેબ્રુઆરીમાં બજેટ રજૂ થયા પછી માર્ચ મહિનામાં કોમર્શિયલ LPG ગેસ સિલિન્ડરના ભાવમાં નોંધપાત્ર વધારો થયો છે. છેલ્લા 5 વર્ષમાં માર્ચ મહિનામાં કોમર્શિયલ સિલિન્ડરના ભાવમાં ઘણો વધારો થયો છે. ગયા વર્ષે એટલે કે 1 માર્ચ 2024ના રોજ સીધો 26 રૂપિયાનો વધારો થયો હતો. જ્યારે આ વર્ષે 1 માર્ચ 2025ના રોજ 19 કિલોના કોમર્શિયલ સિલિન્ડરની કિંમતમાં 6 રૂપિયાનો વધારો કરવામાં આવ્યો છે.