એક જ પરિવારની બે મહિલાઓને મળશે મફત ગેસ કનેક્શન? જાણો સાચા નિયમો!

PM Ujjwala Yojana : દેશમાં આજે પણ અનેક ઘરોમાં ગેસ સિલિન્ડર મુખ્ય ઈંધણરૂપે વપરાય છે. સરકાર દ્વારા ગરીબ અને જરૂરિયાતમંદ મહિલાઓ માટે પીએમ ઉજ્જવલા યોજના શરૂ કરવામાં આવી છે. ઉજ્જવલા યોજના એ ભારત સરકાર દ્વારા શરૂ કરવામાં આવેલી એક મહત્વકાંક્ષી યોજના છે. આ યોજનાનો મુખ્ય ઉદ્દેશ ગરીબી રેખા નીચે જીવતા પરિવારોની મહિલાઓને સ્વચ્છ રસોઈ ગેસ (LPG) કનેક્શન ઉપલબ્ધ કરાવવાનો છે. પરંપરાગત બળતણ જેવા કે લાકડા, છાણાં વગેરેનો ઉપયોગ કરવાથી મહિલાઓના સ્વાસ્થ્ય પર થતી ખરાબ અસરને ઘટાડવા અને તેમને ધુમાડા રહિત રસોઈનું વાતાવરણ પૂરું પાડવાનો આ યોજનાનો મુખ્ય હેતુ છે. પરંતુ એક પ્રશ્ન ઘણી વખત પૂછાય છે કે – શું એક જ પરિવારની બે મહિલાઓ આ યોજના હેઠળ મળશે મફત ગેસ કનેકશન?

ચાલો જાણીએ સાચી વિગતો…

ઉજ્જવલા યોજનાના મુખ્ય પાસાંઓ – PM Ujjwala Yojana

લાભાર્થી: આ યોજના મુખ્યત્વે ગરીબી રેખા નીચે (BPL) જીવતા પરિવારોની પુખ્ત વયની મહિલાઓ માટે છે. આમાં અનુસૂચિત જાતિ (SC), અનુસૂચિત જનજાતિ (ST), પ્રધાનમંત્રી આવાસ યોજના (ગ્રામીણ) ના લાભાર્થીઓ, અંત્યોદય અન્ન યોજના (AAY) ના લાભાર્થીઓ, વનવાસીઓ, અતિ પછાત વર્ગો (MBC), ચા અને ભૂતપૂર્વ ચા બગીચાના આદિવાસીઓ, ટાપુઓ અને નદી ટાપુઓમાં રહેતા લોકો અને SECC-2011 યાદીમાં આવતા ગરીબ પરિવારોનો સમાવેશ થાય છે.

નાણાકીય સહાય: આ યોજના હેઠળ, સરકાર દ્વારા દરેક LPG કનેક્શન માટે ₹1600 ની આર્થિક સહાય પૂરી પાડવામાં આવે છે. આ સહાયમાં સિલિન્ડરની સુરક્ષા ડિપોઝિટ, પ્રેશર રેગ્યુલેટર, LPG હોસ, ડોમેસ્ટિક ગેસ કન્ઝ્યુમર કાર્ડ અને ઇન્સ્ટોલેશન ચાર્જનો સમાવેશ થાય છે.

મફત સુવિધાઓ: ઉજ્જવલા યોજનાના લાભાર્થીઓને પ્રથમ LPG રિફિલ અને ગેસ સ્ટવ (હોટપ્લેટ) પણ નિઃશુલ્ક આપવામાં આવે છે.

અમલીકરણ: આ યોજના પેટ્રોલિયમ અને કુદરતી ગેસ મંત્રાલય દ્વારા અમલમાં મૂકવામાં આવી છે.

ઉદ્દેશો:
- મહિલા સશક્તિકરણને પ્રોત્સાહન આપવું.
  - સ્વચ્છ રસોઈ બળતણ ઉપલબ્ધ કરાવવું.
  - અશ્મિભૂત ઇંધણના ઉપયોગથી થતા સ્વાસ્થ્ય સંબંધી જોખમોને ઘટાડવા.
  - ઇન્ડોર વાયુ પ્રદૂષણને કારણે થતા શ્વસન રોગોને ઘટાડવા.

અરજી પ્રક્રિયા: પાત્રતા ધરાવતી મહિલાઓ ઉજ્જવલા યોજનાનું KYC ફોર્મ ભરીને અને જરૂરી દસ્તાવેજો સાથે નજીકના LPG આઉટલેટ પર જમા કરાવીને અરજી કરી શકે છે. ઓનલાઈન અરજી કરવાની સુવિધા પણ ઉપલબ્ધ છે.

આ પણ વાચો : ખેડૂતો ૩૦ એપ્રિલ પહેલા પતાવો આ કામ! નહીં તો અટકી જશે PM કિસાનનો ૨૦મો હપ્તો

ઉજ્જવલા યોજનાના લાભો – PM Ujjwala Yojana

સ્વાસ્થ્ય સુધારણા: સ્વચ્છ બળતણના ઉપયોગથી મહિલાઓ અને બાળકોના સ્વાસ્થ્યમાં સુધારો થાય છે અને ધુમાડાથી થતા રોગોનું જોખમ ઘટે છે.

સમયની બચત: લાકડાં વીણવા અને ચૂલો સળગાવવામાં લાગતો સમય બચે છે, જેનો ઉપયોગ મહિલાઓ અન્ય કામોમાં કરી શકે છે.

પર્યાવરણની સુરક્ષા: પરંપરાગત બળતણના ઉપયોગથી થતું પ્રદૂષણ ઘટે છે અને જંગલોનું રક્ષણ થાય છે.

મહિલા સશક્તિકરણ: આ યોજના મહિલાઓને વધુ સશક્ત બનાવે છે અને તેમને સ્વચ્છ અને સુરક્ષિત જીવન જીવવામાં મદદ કરે છે.

રોજગારીની તકો: LPGની સપ્લાય ચેઇનમાં ગ્રામીણ યુવાનો માટે રોજગારીની તકોનું સર્જન થાય છે. ઉજ્જવલા યોજનાએ દેશના લાખો ગરીબ પરિવારોની મહિલાઓના જીવનમાં નોંધપાત્ર પરિવર્તન લાવ્યું છે અને તેમને સ્વચ્છ અને સ્વસ્થ જીવન જીવવામાં મદદ કરી રહ્યું છે.

આ પણ વાચો : ફકત ₹450માં ગેસનો બાટલો! જાણો આ યોજનાના લાભ, અને અરજીની પ્રોસેસ

શું એક જ પરિવારની બે મહિલાઓને લાભ મળે? – PM Ujjwala Yojana

પીએમ ઉજ્જવલા યોજના મુજબ, એક પરિવારને ફક્ત એક જ ગેસ કનેક્શન આપવાની મંજૂરી છે. એટલે કે પહેલેથી જો પરિવારના કોઈ એક સભ્યના નામે કનેક્શન હોય, તો બીજી મહિલાને આ યોજના અંતર્ગત લાભ મળી શકશે નહીં.

પરંતુ આ સ્થિતિમાં મળવા માટે હકદાર બની શકો છો: જો બંને મહિલાઓ અલગ-અલગ ઘરમાં રહેતી હોય અને તેમનાં પાસેથી રેશન કાર્ડ, આધાર કાર્ડ તથા પરિવાર ઓળખ નંબર અલગ હોય તો બંને માટે અલગ-અલગ ગેસ કનેક્શન મંજૂર થઈ શકે છે – પરંતુ ગેસ એજન્સી અને ઓઇલ કંપનીઓ તેની યોગ્યતા ચકાસે છે.

મહત્વપૂર્ણ: અરજી કરનારના આધાર કાર્ડ, બેંક ખાતા અને સરનામાની પુષ્ટિ જરૂરી હોય છે.